धर्म जागरण रथयात्रा चैत्र ३ गते दमक आउदै

           

सनातन हिन्दु धर्मका मुख्य चार जगद्गुरुहरु मध्ये विशिष्टाद्वैत दर्शनका व्याख्याता जगद्गुरु रामानुजाचार्यको जन्म भएको एक हजार बर्षको अवसरमा श्रीवैष्णव परिषद् नेपाले आयोजना गरेको सहस्राव्दी महोत्सव तथा धर्मजगरण रथयात्रा चैत्र ३ गते दमक आई पुग्ने भएको छ । नेपाल भारत भुटान ,अमेरिका अष्ट्रेलिया , क्यानाडा लगायतका देशहरुबाट आएका करीव ५ सय यात्रीहरु सहभागी भएको सो रथमा ११ औ शताव्दीका महान सन्त तथा धर्मदर्शनका वैज्ञानिक व्याख्याता जगद्गुरु रामानुजाचार्यको मूर्ती राखिएको छ । चैत्र १ गतेदेखि २०७४ बैशाख ५ गतेसम्म चल्ने सो यात्राले देशका विभिन्न ठाउमा सहभागिता जनाउने छ । यात्रा अवधिभरी धर्म दर्शन, योग, आयुर्वेद, ज्योतिष र जीवन विज्ञानसंग सम्बन्धित विभिन्न विषयमा  विज्ञहरुबाट विभिन्न माध्यमले जानकारी गराईने छ । बैशाख १ देखि ५ गतेसम्म विशेष यज्ञ गरेर चितवनको देवघाटधाममा जगद्गुरु रामानुजाचार्यको ५४ फिट उचाई भएको मूर्ती स्थापना गरिने र रथयात्रा समापन गरिने कुरा श्री वैष्णव परिषदका महासचिव सुदर्शन नेपालले जानकारी दिए ।