२ मंसिर–यस वर्षको विश्व सुन्दरी प्रतियोगिता (मिस वर्ल्ड २०१७)को उपाधि भारतकी मानुषी चिल्लरले जितेकी छन् । विश्वभरका ११७ देशबाट आएका प्रतिनिधिलाई पछि पार्दै चिल्लरले मिस वर्ल्डको उपाधि जितेकी हुन् ।
अन्तिम ५ पुग्न सफल भएकी चिल्लरले अन्तिम राउण्डमा सोधीएको प्रश्नमा सबैभन्दा उत्कृष्ट जवाफ दिएपछि मिस वर्ल्डको उपाधि जितेकी हुन् ।
चीनमा आयोजना भएको प्रतियोतिअन्तर्गत फस्ट रनरअपको उपाधि मेक्सिकोकी सुन्दरी एन्ड्रेया मेजाले जितिन् । यस्तै, सेकेन्ड रनरअपको उपाधि वेलायतकी स्टेफेनिया हिलले जितेकी छन् ।
नेपालकी सुन्दरी निकिता चन्दक भने समग्रमा उत्कृष्ट ४० मा पर्न सफल भइन् । चन्दक पपलुर विधाअन्तर्गत भने उत्कृष्ट १० मा परेकी थिइन् ।
मिस वर्ल्ड बनेकी मानुषीको जन्म भारतीय राज्य हरियाणामा सन् १९९७ मे महिनाको १४ तारिखमा भएको हो ।
मेडिकल विधामा अध्ययन गरिरहेकी मनुषी मिस वर्ल्ड बन्ने छैटाैं भारतीय सुन्दरी हुन् । यसअगाडि सन् १९६६ मा रिता फारिया, १९९४ मा ऐश्वर्या राय, १९९७ मा डायना हेडन, १९९९ मा युक्ता मुखी र २००० मा प्रियंका चोपडा विश्व सुन्दरी भएका थिए ।
0 comments:
Post a Comment