युवा गायक कृष्ण भण्डारीको नयाँ म्यूजिक भिडियो सार्वजनिक

‘यदी सच्च प्रेम गरिएको छ भने त्यो जसरी पनि सफल हुने सन्देश भिडियोले दिन्छ’

विर्तामोड, १९ चैत  —  विर्तामोडका युवा गायक तथा संगीतकार कृष्ण भण्डारीको स्वरमा रहेको गीत ‘पूर्व गएँ, पश्चिम गएँ’ को म्यूजिक भिडियो सार्वजनिक भएको छ ।विहीबार निष्कर्ष नेपालको यूट्यूब च्यानलमार्फत म्यूजिक भिडियो सार्वजनिक गरिएको हो । भिडियोमा रवि कोइराला, दिपशिखा सिलवाल, निरज सिटौला लगायतको शसक्त अभियन रहेको छ । कनकाई नगरपालिकाको पर्यटकीय क्षेत्र भुरुङ्गा, विर्तामोडको विराटपोखर लगायतका स्थानमा छायाङ्कन गरिएको भिडियोको निर्देशन रवी कृष्णले गरेका छन् ।गोविन्द फुयाँलको शब्द रहेको गीतको छायाङ्कन तथा सम्पादन तिलक रिजालले गरेका हुन् ।
करिब १ लाख रूपैयाँको लगानीमा तयार गरिएको उक्त म्यूजिक भिडियो निर्माण युनिटले फरक गीत र भिडियोमा नयाँ कन्सेप्ट भएकाले दर्शकले मन पराइदिने विश्वास व्यक्त गरेको छ ।‘म्यूजिक भिडियोमा धेरै मेहनत गरेका छौं’, गायक भण्डारी भन्छन्, ‘दर्शक भनेको हाम्रो भगवान हुन् । मन पराइदिनुहुनेछ भन्ने आशा छ ।’म्यूजिक भिडियोमा ‘ग्रह’ नमिल्दा विहे टुटेको जोडीको कथा देख्न सकिन्छ । ग्रह नमिल्दा विहे टुटेपछि अन्तिममा उनीहरु भागेर विहे गर्ने निर्णयमा पुग्छन् ।

#स्रोत न्युज अभियान