हामी राजनीतिमा दिन आएका हौं, लिन होइन
यो सानो कुरा हो तर पनि हामी तीनै जनाले निर्वाचनमा विजयी भएको खण्डमा आफूले पाउने तलब काठमाडौं क्षेत्र नम्बर १ का संघसंस्था र परोपकारी गतिविधिमैं खर्च गर्ने निर्णय गरेका छौं।
यो पोस्टर र प्रदेशसभाका उमेदवारको परिचय काठमाडौं क्षेत्र नं १ का सबै मतदाता कहाँ पुगोस् भन्ने चाहान्छु। क्षेत्र नं १ मा तपाईंका आफन्त या साथीभाइ कोही छन् भने यो सन्देशलाई श्यर गरिदिन हुन हार्दिक आग्रह गर्दछु।
समिक्षा बास्कोटा: अमेरिकाबाट कानुनमा स्नातकोत्तर गरेपछि ‘डिन्स फेलो’ मनोनित भई केही समय त्यहीँ काम गरेर आफ्नै देशमा केही गर्ने चाहानाले सन् २०१० मा नेपाल फर्किएकी बास्कोटाले केही समय एउटा बैंकको कानुनी शाखामा काम गरिन्। तर त्यहीँमात्र आफूलाई सिमित राख्न नचाहेपछि उनले आफ्नै ल र्फम दर्ता गर्नुका साथै विभिन्न शैक्षिक संस्थाहरूमा शिक्षण तथा प्राज्ञिक कार्यमा संलग्न भइन्। त्यसैबीच उनले आफ्नो बुवाले साडे तीन दशकअघि शुरू गरेको चिया तथा अन्य कृषिजन्य वस्तुको उत्पादन तथा बजारीकरणमा लागिन्। संभवत: बाल्यकाल पारिवारिक राजनीतिक पृष्टभूमिकै वरीपरी ग्रुजिएको हुनाले उनको पनि राजनीतिमा विशेष लगाव छ र उनी राष्ट्रलाई बृहत्तररूपमा योगदान पुर्याउने सबैभन्दा सशक्त माध्यम इमानदार राजनीति हो भन्नेमा विश्वस्त छिन्।
पुरूषोत्तम ढुंगेल: विद्यार्थीकालदेखि नै राजनीति शुरू गरेका ढुंगेल २०३६ सालपछि लगातार दुई कार्यकाल नेपाल विद्यार्थी संघ, धनुषाका जिल्ला सभापति थिए। धनुषाबाट काठमाडौं आएपछि २०४६ सालको जनआन्दोलनमा सक्रिय सहभागिता जनाएका उनी २०६२/६३ सालको जनआन्दोलनताका वडा नम्बर ३४ (हाल ३१) मा नेपाली काँग्रेसको जनआन्दोलन परिचालन कमिटीका संयोजक थिए। तर पुरानो राजनीतिबाट दिक्क भएका ढुंगेलले वैकल्पिक राजनीतिको रूपमा विवेकशील साझा पार्टी अगाडि आएपछि आशावादी हुँदै आफ्नो आवद्दता परिवर्तन गरेका थिए। राजनीतिबाट लिने होइन, दिनु पर्छ भन्ने उनको विश्वास रहेको छ। रबिन्द्र मिश्रको facebook बाट
0 comments:
Post a Comment