ट्रुम्प को गलत आदेश : मुद्दा दायर गरियो

29 जनवरी 2017

राष्ट्रपति डोनल्ड ट्रम्पको कार्यकारी आदेशले नब्बे दिनसम्म अमेरिका प्रवेशमा रोक लगाएपछि ती मानिसहरु अलपत्र परेका थिए।। अमेरिकी राष्ट्रपति डोनाल्ड ट्रम्पले व्यापक आलोचना र विरोधप्रदर्शनका माझ आफूले मुसलमान बहुल रहेको सात देशका मानिसहरुको अमेरिका प्रवेशमाथि लगाएको अस्थायी प्रतिबन्धको बचाउ गरेका छन्।ट्रम्पले एउटा विज्ञप्ति जारी गर्दै आफूले मुसलमानको प्रवेशमाथि प्रतिबन्ध लगाएको भनेर सञ्चारमाध्यमले गलत रुपमा समाचार प्रसारण गरेको आरोप लगाएका छन्।अमेरिकाका १६ राज्यका महान्यायाधिवक्ताहरुले ट्रम्पले लगाएको प्रतिबन्ध गैरअमेरिकी र गैरकानुनी भएको भन्दै त्यसको निन्दा गरेका छन्।ट्रम्पको कार्यकारी आदेश लागू भए लगत्तैदेखि विमानस्थलहरुमा प्रदर्शनकारीहरुले र्याली निकालेका छन् भने बोस्टन, न्यूयोर्क अनि वासिङ्टनमा ह्वाइट हाउस नजिकै हजारौं प्रदर्शनकारीहरु सडकमा उत्रिएका छन्।धेरै संघीय न्यायाधीशहरुले भिसा लिइसकेकाहरुलाई देश फिर्ता गर्ने निर्णयमाथि अस्थायी रुपमा रोक लगाएका छन्।ट्रम्पको निर्णयबारे उनका चिफ अफ स्टाफ राइन्स प्रीबसले स्पष्ट रुपमा नरम हुँदै उक्त प्रतिबन्ध ग्रीन कार्ड अर्थात स्थायी अनुमति लिएर अमेरिकामा बस्दै आएकाहरुका लागि लागू नहुने बताएका छन्।यसैबीच संसदको माथिल्लो सदन सिनेटका डेमोक्रेटिक नेता चक सुमरले भने, ूप्रतिबन्ध लगाउने निर्णयले हामीलाई कम मानवीय, कम सुरक्षित र कम अमेरिकी बनाउँछ। हामी राष्ट्रपतिसमक्ष आफ्नो कार्यकारी आदेश उल्ट्याउन माग गर्छौं।ू
द अमेरिकन सिभिल लिबर्टीज युनियन (एसीएलयु)ले शुक्रबारको ट्रम्पको आदेशको प्रतिक्रियामा मुद्दा दायर गरेको थियो ।