चैत २८ – इंग्लिस प्रिमियर लिग अन्तर्गत आइतबार राति भएको खेलमा म्यानचेस्टर युनाइटेड विजयी भएको छ । अवे मैदानमा भएको खेलमा म्यानचेस्टर युनाइटेडले पुछारको सन्डरल्याण्डलाई ३–० ले हरायो । १० खेलाडीमा सीमित भएको
सन्डरल्याण्डलाई हराउने क्रममा युनाइटेडका लागि जाल्टन इब्राहिमोविच, हेनरिक एमखिर्तियान र मार्कस रासफोर्डले एक एक गोल गरे । ३० औं मिनेटमा इब्राहिमोविचले गोल गर्दै युनाइटेडलाई सुरुवाति अग्रता दिलाए । इब्राहिमोविचको यो प्रिमियर
लिगमा १७ औं गोल हो । उनी सर्वाधिक गोल कर्ताको सूचिमा पाँचौं स्थानमा छन् । चौथो स्थानका चेल्सीका डिएगो कोस्टाले
पनि १७ गोल नै गरेका छन् । ४३ औं मिनेटमा सेबास्टिएन लार्सन रातो कार्ड खाँदै मैदानबाट बाहिरिएपछि सन्डरल्याण्ड १० खेलाडीमा सीमित भयो । दोस्रो हाफको सुरुमा नै एमखिर्तियानले युनाइटेडको अग्रता दोब्बर पारे । ८९ औं मिनेटमा रासफोर्डले
गोल गरेपछि जोसे मोरिन्होको टिम युनाइटेड ३–० ले विजयी भयो । जितपछि युनाइटेड आर्सनललाई पछि पार्दै ३० खेलबाट ५७
अंकसहित पाँचौं स्थानमा उक्लिएको छ । एक खेल कम खेलेको आर्सनलको ५४ अंक छ । युनाइटेड चौथो स्थानको म्यानचेस्टर
सिटी भन्दा चार अंकले पछि छ र एक खेल कम खेलेको छ । पराजित भएको पुछारको सन्डरल्याण्डको लिगका सात खेल बाँकी हुँदा मात्रै २० अंक छ ।
0 comments:
Post a Comment