नेपाली काँग्रेस तारकेश्वर–१० एकाइ कार्यसमितिले आज यहाँ आयोजना गरेको प्रथम वडा सम्मेलनलाई सम्बोधन गर्दै डा कोइरालाले निर्वाचन आयोगले निर्वाचनको तयारी धेरै अगाडी बढाएकाले निर्वाचन नरोकिने बताउनुभयो ।
उहाँले मधेसीलगायत असन्तुष्ट दललाई मिलाएर तोकिएकै समयमा निर्वाचन गर्नुपर्ने बताउनुभयो । “सबै दललाई मिलाएर लगे मात्र निर्वाचन सफल हुन्छ,” उहाँले भन्नुभयो । डा कोइरालाले देश अत्यन्त नाजुक अवस्थामा अगाडि बढेको भन्दै यसको समाधानका लागि निर्वाचन आवश्यक भएकाले निर्वाचन सफल पार्न सबै राजनीतिक दलहरु एकजुट हुनुपर्ने बताउनुभयो ।
उहाँले पार्टीभित्र देखिएको गुट उपगुट छाडेर स्थानीय तहको निर्वाचनमा लाग्न कार्यकर्तालाई निर्देशन दिनुभयो ।
सांसद भीमसेनदास प्रधानले स्थानीय तहको निर्वाचनमा काँग्रेसलाई जिताउन नेता तथा कार्यकर्ताहरु एकजुट हुनुपर्ने बताउनुभयो । सांसद कौशर साहले हरेक परिवर्तन नेपाली काँग्रेसको नेतृत्वमा भएको भन्दै परिवर्तनलाई संस्थागत गर्न स्थानीय तहको निर्वाचनमा जिताउनुपर्ने बताउनुभयो । रासस
0 comments:
Post a Comment